د تکنالوژيکي معلوماتو د خوندیتوب پالیسي د ارزونې په موخه ناسته وشوه
۱۴۴۵/۶/۷
د سرحدونو، قومونو او قبایلو چارو وزارت د مشرتابه له لوري د یاد وزارت د تکنالوژي ریاست د کاري کړنلارې د پالیسیو د جوړولو په موخه یوه پلاوي د مسلکي معین مولوي احمد طه قادري په مشرۍ ناسته وکړه.
په دغه ناسته کې د دعوت او ارشاد رئیس مفتي شفیع الله ثاقب، د جرګو او قبایلي چارو د همغږۍ رئیس شیخ حضرت ولي حقاني، د پلان او پالیسي رئیس مولوي نیک محمد افغاني، د ښوونې او روزنې رئیس مولوي عبدالرحمن رحماني، د ټکنالوژي رئیس خسرو سلامزاده، د سرحدي څیړني رئیس مولوي غلام صدیق سباوون، د سرحدي سرغړونو د کشف او تنظیم رئیس مولوي حضرت محمد وحدت، د سرحدي چارو سلاکار ښاغلي قاسمي او نورو کارکوونکو پکې ګډون کړی وو.
یاد پلاوي د تکنالوژي ریاست په اړه د ډیټا او معلوماتو د خوندیتوب، د تخنیکي ستونزو د حل، د کمپیوترونو کارونې او له تکنالوژیکي وسایلو څخه د مناسبې استفادې په اړه د مخابراتو وزارت له پالیسیو سره سم د ترتیب شویو پالیسیو په اړه سلا و مشورې وکړې او د وزارت په اړوندو ټولو مرکزي او دویمي واحدونو کې یې یادې کړنلارې د تطبیق وړ وبللې.
