د کوچیانو سمون چارو عمومي رئیس الحاج مولوي ګل زرین کوچي د کابل سروبي ولسوالۍ ته د کومکونو د ویش په موخه سفر وکړ
چهارشنبه د رجب المرجب /درېیمه/ ۱۴۴۴
تیره ورځ چهارشنبه د سرحدونو، قومونو او قبایلو چارو وزارت د کوچیانو سمون چارو عمومي رئیس مولوي ګل زرین کوچي د جنوا کال مؤسسې له مسؤلې اغلې افیلا سره یو ځای کابل د سروبي ولسوالۍ اړوند د څرکي درګاه، ګړوچي، د خوړ کوټې، ځنګوړه او انځرو سیمو او کلیو ته د جنوا کال مؤسسې له لوري د خوراکي موادو د توزیع کولو په موخه سفر وکړ. د موادو د توزیع په پیل کې الحاج ګل زرین کوچي د سرحدونو، قومونو او قبایلو چارو وزارت د ټولو قومونو ګډ کور یاد کړ او زیاته یې کړه، چې یاد وزارت د ټولو قومونو خصوصاً کوچي قومونو ته د هوسا ژوند او د تعلیم په برخه کې د اسانتیا وو برابرولو په برخه ډیري هڅي کړي دي او هیڅ وخت به په دغه برخه کې خپل وس ونه سپموي. د کوچیانو رئیس د جنوا کال مؤسسې له همکاریو څخه مننه وکړه او د یادې مؤسسې له رهبري هیئت څخه یې د کوچي او نورو قومونو لپاره د دایمي کومکونو، صحي، وترنري او د ماینونو د خطرونو څخه د ژغورنې په اړه د ورکشاپونو غوښتنه وکړه. وروسته حاجي شاه ولي د دولتزیو د قوم مشر د ټولو راغلیو قومونو په نمایندګي د جنوا مؤسسې او سرحدونو، قومونو او قبایلو چارو وزارت څخه ډیره مننه او قدردانی وکړ او په خپلو سیمو کې یې د څښاک د اوبو لپاره د څاګانو کېندلو غوښتنه وکړه. اغلي افیلا دوی ټولو ته وعده ورکړه، چې د دوی ټول وړاندیزونه او غوښتنې به د نوموړې مؤسسې له رهبري سره شریکوي او خپله ټول وس به د دوی ستونزو ته د رسیدګي په برخه کې کوي. په پای کې د کوچیانو سمون چارو عمومي رئیس ملا امامانو او د کوچیانو سواد لرونکو خلکو ته یو یو ټوک د تعلیم الاسلام کتاب ورکړ ترڅو په خپلو کورونو کې یې ماشومانو او د کورنۍ نورو غړو ته یې تدریس کړي.
