دپروان ولایت د شینوارو ولسوالۍ له قو مي مشرانو او مخورو سره ناسته ترسره شوه !
نېټه : ۱۱/۱۱/۱۴۰۰ هــ ش
د پروان ولایت د سرحدونو او قبایلو چارو رئیس د ۱۴۰۰ هجري لمریز کال د سلواغې میاشتې په ۱۱ مه نیټه د دوشنبې په ورځ ددې ریاست په ودانۍ کې د پروان ولایت د شینوارو ولسوالۍ د هیردرې قومي مشرانو، دیني علماوو او سپین ږیرو سره وکتل غونډه د قرانکریم د څو مبارکو ایتونو په تلاوت سره پيل شوه د غونډې په پیل کې د پروان ولایت سرحدونو او قبایلو چارو رئیس مولوي شاه محمود ذاکري د یادې ولسوالۍ مشرانو او دیني علماوو ته ښه راغلاست ووایه او زیاته یې کړه چې د پروان ولایت د سرحدونو او قبایلو چارو ریاست به هڅه وکړي چې د افغانستان کړیدلي او زوریدلي ولس سره پوره پوره همکاري وکړي او افغان ولس چې کومې سختې شپې او ورځې د اشغال په وخت کې تیرې کړي دي هیڅ کله به یې هیرې نه کړي وروسته ددې ولسوالۍ مشرانو د سرحدونو او قبایلو چارو له رئیس سره یوځای د پروان ولایت قدرمن والي صاحب ملامحمد فرید قیام او ددې ولایت د مرستیال والي مولوي صاحب دوست محمد حقاني سره لیده کاته وکړل او یادو مسوولینو ددې ولسوالۍ له مشرانو، دیني علماوو او سپین ږیرو سره د ستونزو د حل په برخه کې پوره ژمنه وکړه او زیاته یې کړه چې ستاسې شته ستونزې به په وړاندیز شوي ډول له د اسلامي امارت له مشرانو سره شریکې کړي غونډه په دعا سره پای ته ورسیده.
