په پروان ولایت کې د لنډ مهاله سرویرانو د ګمارنې لپاره تحريري آزموينه واخيستل شوه!
په پروان ولایت کې د لنډ مهاله سرویرانو د استخدام په موخه په شرایطو برابر نوماندان شارټ لیست او نن د پروان ولایت د سرحدونو او قبایلو چارو ریاست په انګړ کې تحریري آزموینه ترې واخیستل شوه.
د آزموینې په پیل کې د سرحدونو او قبایلو د اطلاعاتو مدیریت پروژې د مالوماتو راټولولو چارو افیسر شریف ملګري او رفیع الله هوتک د مالوماتو د انټري افیسر د آزموینې په اړه له ګډونوالو سره مالومات شریک او د شفافیت ډاډ یې ورکړ.
د یادونې وړ ده، چې د تحريري آزموينې لپاره د پروان ولایت د مرکز په ګډون د 10 ولسوالیو لنډ مهاله سرويرانو بسته د استخدام لپاره 200 تنو آنلاین اپلای کړې وه، چې 65 تنه یې د تحريري آزموينې لپاره شارټ لیست شوي وو.
