د پښتونخوا د کم عمره شاعر فرهنګي هڅې وستایل شوې!
د سرحدونو او قبایلو چارو مسلکي معین محترم محمد آصف ننګ نن مازدیګر په خپل کاري دفتر کې د پښتونخوا کم عمره شاعر ښاغلي محبوب جان محبوب سره وکتل او د هغه فرهنګي هلې ځلې یې وستایلې.
د غونډې په پیل کې ښاغلي محبوب جان محبوب د خپلو فرهنګي فعالیتونو او ( ربه یو سوال کوم) تر عنوان لاندې نوي چاپ شوي شعرې مجموعې په اړه معلومات وړاندې کړل او خپله شعري مجموعه ښاغلي ننګ ته ډالۍ کړه.
ورپسې د وزارت مسلکي معین ښاغلي ننګ د نوموړي فعالیتونه وستایل وې ویل: ډېر د خوشالۍ ځای دی، چې کم عمره استعدادونه شتون لري، موږ ژمن یو، چې تنکي ځوانان وهڅوو او په بېلابېلو برخو کې ورسره مرسته او همکاري وکړو.
دغه راز ښاغلي ننګ نوموړي ته د لا زیات تشویق په موخه یوه ډالۍ هم ورکړه.
