د نیمروز له والي سره لیدنه!
د سرحدونو او قبایلو چارو وزارت د جرګو او قبایلي چارو د همغږۍ معین ښاغلي الحاج محمد یعقوب احمدزي او ملګري پلاوي يې نن دو شنبه د روان کال د جوزا د میاشتې په ۱۰مه نېټه ددغه ولایت له والي ښاغلی زمریالي (احدي) سره وکتل.
په دې کتنه کې، لومړۍ ښاغلي الحاج محمد یعقوب احمدزي نیمروز ولایت ته د خپل کاري سفر د موخو په اړه معلومات شریک کړل وی ویل: وزارت په پام کې لري چې په نږدې راتلونکې کې په دغه ولایت کې د سولې او نظام د ملاتړ په اړه د نیمروز ولایت د ولسونو په ګډون یوه پراخه غونډه جوړه کړي, چې ستاسو همکاري پکې اړینه ده.
ورپسې ښاغلي احدي د سرحدنو او قبایلو چارو وزارت دا کار پر ځای اقدام وباله او ښاغلي احمدزي او ملګري پلاوي ته یې په دې برخه کې د هر ډول مرستو او همکاریو ډاډ ورکړ.
