دسرحدونو او قبایلو چارو وزارت د خواشینۍ او ډاډګېرنې پیغام!
خبر شوم، چې په کندهار کې د وزارت اړوند غازي عبدالله خان اڅکزي عالي لیسې پیاوړی او تکړه استاد عبدالمهيم د هغې ناروغۍ له امله چې ورپېښه شوې وه، وفات شوی دی.
انا لله و انا الیه راجعون
ارواښاد د هېواد یو پیاوړی ادیب او تکړه استاد و، چې د خپل عمر زیاته برخه یې د هېواد د زده کوونکو په ښوونه او روزنه کې تېره کړه، چې خدمتونه یې د هېرېدو نه دي.
د سرحدونو او قبایلو چارو وزارت په داسې حال کې، چې د ارواښاد نشتوالي د هېواد د ښوونې او روزنې په برخه کې ستره ضایعه بولي، نوموړي ته دمنان رب له سپېڅلي دربارڅخه د فردوس جنت، درنې کورنۍ، د یادې لېسې استادانو او زده کوونکو او د کندهار ټولو پتمنو خلکو ته د خپل ژور خپګان مراتب څرګندوي.
محب الله صمیم
د سرحدونو او قبایلو چارو وزیر
