په جوزجان او باميان ولايتونو کې د شخړو سوله ييز حل
سه شنبه ۲۸ ربيع الثاني ۱۴۴۷
د جوزجان ولايت د سرحدونو، قومونو او قبايلو چارو رياست مسؤلينو له خوا د دغه ولايت په مصر آباد سيمه کې د دوو هيوادوالو ترمنځ د ځمکو د اجارو پر سر راپورته شوې اوږدمهاله شخړه حل او د يوې شرعي فيصلې په ترڅ کې حق حقدار ته وسپارل شو.
ياده رامنځته شوې موضوع، چې د ۳۰ جريبه ځمکې کلنې اجاره پکې شامله وه د مقابل لوري د نه ورکړې په صورت کې يې لوی مشکلات او خنډونه راپورته کړي وو.
ورته مهال د باميان ولايت په مرکز کې د دوو کورنيو ترمنځ لومړی د لفظي شخړې او بيا د فزيکې تاوتريخوالي له کبله رمنځ ته شوی جنجال د دغه ولايت د سرحدونو، قومونو او قبايلو چارو آمريت مسؤلينو له لوري حل او طرفين سولې ته راوبلل شول.
