په فراه ولایت کې د دوو کورنیو ترمنځ دوه کلنه بدي په سوله بدله شوه.
جمعه ۰۳ / شعبان / ۱۴۴۴
۰۴ / کب / ۱۴۰۱
د فراه ولایت د سرحدونو، قومونو او قبایلو چارو رئیس مولوي تاج الدین منصور، د فراه مرستيال والي او ګڼو نورو ولایتي مسؤلینو، علماوو او قومي مشرانو د یاد ولایت د بکواه ولسوالۍ اړوند د کمالان کلي د دوو کورنیو ترمنځ بدي چې يو تن پکې وژل شوی وو په سوله بدله کړه.
ناستې ته د سرحدونو، قومونو او قبایلو چارو رئیس وویل: خوښ یم، چې په فراه ولایت کې د میشتو دوو لویو قومونو د دوو کورنیو ترمنځ خپلمنځي تاوتریخوالی او بدې له منځه ځي او دواړه کورنۍ د ارام ساه اخلي.
وروسته غونډې ته راغلیو مسؤلینو، قومي مشرانو او علماوو د موضوع په اړه هر اړخیزې ویناوي وکړې او دواړه لوري یې یووالي، بښنې، صبر او زغم ته راوبلل.
د غونډې په پای کې د مشرانو له لوري د پيښې شوې بدي په اړه پرېکړه وشوه چې د طرفینو له لوري ومنل شوه او دواړه مخالف اړخونه سره غاړه غړۍ شول.
