په دایکندي ولایت کې دوه کلنه شخړه حل شوه
۴۴۵/۵/۷
د دايکندي ولايت ازموک ولسوالۍ په بوم کلي کې د دوو کورنیو تر منځ د اوبو پر سر را منځته شوې شخړه چې له دوو کلونو راهيسې یې جریان درلود د یاد ولایت د سرحدونو، قومونو او قبایلو چارو آمر حافظ محیب الله سجاد، قومي مشرانو او دیني عالمانو په حضور کې حل شوه.
د دغې شخړې د حل په موخه د یاد ریاست آمر، کارکوونکې او قومي مشران سیمې ته ولاړل، د یادې قضیې په اړه یې پوره څېړنه وکړه او له طرفینو څخه یې تر اختیار اخیستلو وروسته په اړه پرېکړه وکړه چې وروسته ښکېلو لوریو په خوښي ومنله او د دغې فیصلې درناوی یې وکړ.
د شخړې د حل پر مهال قومي مشرانو د یاد ریاست او مسؤلینو له ستړیاوو څخه مننه او قدردانی وکړ او دخیلو لوریو ژمنه وکړه د ورورولۍ په فضا کې به ژوند کوي او یو بل ته به هیڅ ستونزې نه جوړوي.
