د وزارت د داخلي تفتش نوي رئیس دنده پیل کړه
شنبه ۶ربیع الثاني۱۴۴۵
د ریاست الوزرا ء د عالي مقام د حکم په اساس ښاغلی مولوي محمد اسحاق ادریس چې د سرحدونو، قومونو او قیایلو چارو وزارت د داخلي تفتش د رئیس په توګه ټاکل شوی دی نن د یوې غونډې په ترڅ کې د یاد ریاست کارکوونکو ته وروپېژندل شو.
د وزارت د سرحدي پلټنو معین ښاغلي مولوي محمد اسماعیل غزنوي په خپلو خبرو کې د داخلي تفتش د پخواني رئیس د کړنو او فعالیتونو څخه مننه وکړه او زیاته یې کړه چي ادلون او بدلون د نظام اساسي اصل دي چې په ادارو کې د اصلاحاتو په موخه تطبیق کیږي .نوموړی وویل چې تفتیش ریاست باید دوو برخو ته ډېره پاملرنه وکړي لومړی پخپله پلټنه کې د امارت اصول تطبیق کړي او دغه راز د شخص حقوق په پام کې ونیسي .
په اخر کې د داخلي تفتش نوي رئیس زیاته کړه چې ورسپارل شوې مسئولیت به په ښه توګه تر سره کړي او هیچا ته به اجازه ورنکړي چې د داخلي تفتش د څار پر وړاندې خنډ شي.
