د کوچيانو له قومي مشرانو سره کتنه
۱۴۰۱/٣/۱ يکشنبه
د سرحدونو قومونو او قبایلو چارو سرپرست ملا نورالله نوري د غزني، ميدان وردګ، باميان او دايکندي ولايتونو څخه راغلو د کوچي قومونو مشرانو سره د خپل کار په دفتر کي وکتل.
په دې کتنه کي چي پر مهال يې د جرګو معين عبدالخالق عابد، د کوچيانو عمومي رئيس مولوي ګل زرين کوچي او د جرګو رئيس مولوي محمد اسماعيل غزنوي هم شتون درلود د کوچي قومونو په نمايندګي امين کوچي، حاجي محمد سعيد او حاجي رضا کوچي لنډې خبرې وکړي. پخپلو سيمو کي د کوچيانو شته ستونزې يې شريکې کړې او له ځايي خلکو سره د څړ ځايونو پر سر د را ولاړو شويو مشکلاتو او شخړو د حل او هواري غوښتنه وکړه.
دوئ وړانديز درلود چي وزارت دي د يادو ستونزو د حل په موخه يو پلاوي وټاکي.
ښاغلي (نوري) قومي مشرانو ته ښه راغلاست ووايه دکوچيانو ستونزې يې واوريدلې ډاډ يې ورکړ چي د ځايي خلکو سره د کوچيانو مشکلات به د يوې کميټې له خوا څيړل کيږي او د ځايي خلګو په شتون کي به د حل پر لارو چارو غور کوي.
