لغمان کې د دوو کورنیو ترمنځ ۲۵ کلنه دښمني په سوله او ورور ولۍ بدله شوه
سهشنبه ۲۹ جمادیالأولی ۱۴۴۸
د لغمان ولایت د سرحدونو، قومونو او قبايلو چارو آمريت مسؤلينو له لوري د ياد ولايت په الینګار ولسوالۍ کې د دوو کورنیو ترمنځ هغه ۲۵ کلنه دښمني، چې د يو لړ خپلمنځي ستونزو له امله رامنځته شوې وه او په ترڅ کې یې د دواړو لورو دوه تنه وژل شوي وو په سوله او ورورولي بدله شوه.
د يادې روغې جوړې په مراسمو کې د ا.ا مسؤلينو د سولې، ورورولي او یووالي پر ارزښت ټینګار وکړ او له دواړو کورنیو يې وغوښتل، چې له دې وروسته د هر ډول اختلافاتو او دښمنیو پر ځای د ورورولي لاره خپله کړي.
په پای کې دواړو کورنیو د بښنې کولو یو بل ته د نه زیان رسولو او د اختلافاتو د نه تکرار ژمنه وکړه او په همدې موخه یې د جرګه کوونکو مشرانو د پرېکړې وروسته ددخوښۍ غاړې ورکړې
