د معلوماتي ټکنالوجۍ نوي رئیس معرفي شو.
نج شنبه ٢١ رجب المرجب ١٤٤٥
په دې غونډه کې لومړی د سرحدونو، قومونو او قبایلو چارو وزارت مالي او اداري عمومي رئیس ښاغلي محمد انور تائب خبرې وکړي ويې ویل مسوولیت اخيستل دروند بار دی او اخیستونکی باید د کار لپاره هڅه، کوشش او اخلاص وکړي.
ښاغلي تائب د نوي ټاکل شوي رئیس په ژوند او کړنو رڼا واچوله او نوموړي ته یې په چارو کې د بریالیتوب غوښتنه وکړه.
ورپسي د معلوماتي ټکنالوجۍ د نوي رئیس ښاغلي قاري عبدالمتین د ټاکلو کېدو له امله د وزارت د بشري سرچینو رئیس ښاغلي کریم شاه تیلوي د ریاست الوزراء د مقام حکم ولوست.
په پای کې نوي رئیس ښاغلي قاري عبدالمتین د سرحدونو، قومونو او قبایلو چارو وزارت له مشرتابه پلاوي مننه وکړه او د یاد ریاست د کاري پرمختګ په پار یې خپلو پروګرامونو ته اشاره وکړه دغه راز ژمنه یې وکړه چې د وزارت د مقام له سپارښتنو سره سم او د دغه ریاست له کاري ټیم سره په همکارۍ او همغږۍ به د کارې پروګرامونو په پلي کولو کې هېڅ ډول هڅې ونه سپموي.
