په ولسي جرګه کې د خوست ولایت د خلکو له استازي سره کتنه!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن شنبې د ۱۳۹۹ لمریز کال د وږي میاشتې پر ۱۵ مه نېټه په ولسي جرګه کې د خوست ولایت د خلکو له استازي ښاغلي کمال ناصر اصولي سره د خپل کار په دفتر کې وکتل.
په دې کتنه کې، چې د ښوونې او روزنې رئيس ښاغلی محمد نبي شهاب هم حاضر و، دواړو خواوو د سولې په ټینګښت، د وزارت په اړوند لېسو کې د لرو او پرتو سیمو د زده کوونکو د جذبولو او په یو لړ نورو ملي مسایلو بحث او خبرو کولو ترڅنګ، ښاغلي کمال ناصر اصولي د نوي افغانستان د بنسټګر ارواښاد احمد شاه بابا انځورونه ښاغلي بارکزي ته ډالۍ کړل، چې د ښاغلي بارکزي له خوا په ورین تندي ومنل شول.
