په هلمند کې له پښتنواو بلوڅو وروڼو سره د پیوستون ورځ ولمانځل شوه!
د هلمند ګڼو قومي مشرانو او ځوانانو د بلوڅو او پښتنو د پیوستون ورځ د يوې غونډي پرمهال چې د سرحدونو او قبایلو چارو ریاست کې جوړه شوې وه، ولمانځله.
په غونډه کې د پښتنو او بلوڅو او نورو درنو قومونو د تاریخي ورورګلوۍ، اتحاد، اړیکو او کلتور په اړه خبري وشوې، او ددې ورځې لمانځل یو ارزښتناکه اقدام وبلل شو.
دغونډې پرمهال د جمهور رئيس سلاکار او د ولايت مقام مرستیال بسم الله روحاني، د سرحدونو او قبايلو چارو رئيس نويدنظري، د اطلاعاتواوکلتور رئیس حمیدالله ویاړ، د بلوڅو په استازیتوب نجیب الله بلوچ، د شیعیانو شورا مشر صدیق الله ذاهدي، د بارکزو شورا مرستیال حاجي عبدالستار، قومي مخور حاجي يار محمد او نورو د دې ځانګړي ورځي په اړه ویناوي وکړې او د کرښې ها خوا او دېخوا بلوڅو او پښتنو باندي يې د اتحاد او ورورۍ غږ وکړ.
د بلوڅو اوپښتنو د پیوستون ورځ د ۱۳۲۸ شمسي کال راپدېخوا په افغانستان کي د سرحدونو او قبایلو چارو وزارت لخوا د ېو ډيرې مهمې ورځې په توګه لمانځل کیږي، چي دې ورځې ته د پښتونستان ورځې نوم هم ورکول شوی.
بلوڅ اوپښتانه قومونه په تاريخي، فرهنګي او کلتوري برخو کې ډېر مشترکات لري، او د ډيورنډ کرښې پر دواړو غاړو او ایران کې ژوند کوي.
