په فراه کې د سرحدونو اوقبایلو چارو ریاست له لورې د بين الافغاني خبرو اترو د پیل او اورکم څخه د فراهي ولسونو د ټینګار او ملاتړ ترعنوان لاندې لویه غونډه وشوه.
په دې غونډه کې د فراه والي، د ولایتي شورا رئیس اوغړو د ټولوادارو مسؤلینو، ولسوالانو، مخورو قومي مشرانو، علمای کرامو، خویندو، د مدني ټولنې استازو ځوانانو درسنیو استازو په شمول شپږ سوه تنه ګډون والو برخه اخیستې وه غونډه د قرآن کریم د څو مبارکو آیاتونو په تلاوت سره پیل شوه او دافغانستان ملي سرود غونډې ګډونوالو ته واورول شو.
ورپسې د سرحدونو اوقبایلو چارو رئیس محمد اکبر"عمر" دغونډې پرانیستونکې وینا وکړه ګډون والو ته یې د ښه راغلاست تر څنګ دغونډې ددایریدو او اهمیت په اړوند ګډون والو ته معلومات ورکړل وروسته په ترتیب سره دولایتي شورا په استازیتوب دیادې شورا رئیس الحاج دادالله "قانع" ، داهل تشیع وروڼو په استازیتوب مولوی عزت الله "نظري" ، دځوانانو په استازیتوب نعمت الله "ارماني"، دعلماوو په استازیتوب مولوي عبدالقدیر"توکلي" دښځو په استازیتوب راحله "مشعل" ، دقومونو په استازیتوب حاجي تازه ګل "زیارکښ" ، مدني فعالې طیبې "سلیماني" ویناوې وکړې د پروګرام په وروستۍ برخه کې د ولایت والي ښاغلي څارنیار محمد شعیب "ثابت" وینا اود غونډې ارزونه وکړه د سولې په اهر اړخیزاهمیت یې مفصلې خبرې وکړې وروسته غونډه د مولوي عبدالرحیم محبوب په اختتمایه دعا سره پای ته ورسیده.
