د اروزګان ولایت د ولایتي شورا له مشر سره کتنه!
د سرحدونو او قبایلو چارو وزیر ښاغلي محمد شفیق ګل آغا شېرزي نن سې شنبې د روان کال د سلواغې میاشتې پر ۲۹ مه نېټه په داسې حال کې، چې د وزارت مسلکي مرستیال ښاغلی ډاکټر فریدون بارکزی او د دفتر رئيس ښاغلی نور آقا ناصري هم حاضر و، د اروزګان ولایت د ولایتي شورا له مشر ښاغلي امیرخان بارکزي سره د خپل کار په دفتر کې وکتل.
په دې کتنه کې ښاغلي امیرخان بارکزي د خپلو یو لړ سیمه ییزو ستونزو شریکولو، ترڅنګ د موجوده نظام څخه ملاتړ څرګند کړ او د وزارت سره یې د هرا راز همکاریو ډاډ ورکړ.
ورپسې د سرحدونو او قبایلو چارو وزیر ښاغلي محمد شفیق ګل آغا شېرزي په خپلو خبرو کې د نوموړي ستونزې پر ځای وبللې او په ګډو هلو ځلو یې ټینګار وکړ.
