د چارو ادارې له استازې سره کتنه!
د سرحدونو او قبایلو چارو وزارت مسلکي معین ښاغلي ډاکټر فریدون بارکزي نن له غرمې مخکې د افغانستان د اسلامي جمهوریت د چارو ادارې د استخدام له آمرې اغلې راضيې بارکزۍ سره د خپل کار په دفتر کې وکتل.
په دې کتنه کې، چې د مقام د دفتر رئيس ښاغلى نور آقا ناصري هم حاضر و، دواړو لورو د چارو له ادارې سره په بېلابېلو برخو کې د وزارت د لاسته راوړنو، پلانونو، د کاري اړیکو او دوه اړخېزو همکاريو د پراختیا او د سولې په ګډون یو لړ نورو مهمو موضوعګانو په باب بحث او د نظر وړ خبرې وکړې.
