په هرات کې له بېلابېلو قومي مشرانو او مخورو سره کتنه
د سرحدونو او قبایلو چارو وزیر ښاغلي محمد شفیق ګل آغا شېرزي د روان لمریز کال د وږي د میاشتې په 19مه نېټه په هرات کې د خپل سفر په لومړى ورځ په داسې حال کې، چې د وزارت د جرګو او قبايلي چارو د همغږى معين ښاغلى محمد يعقوب احمدزى، د اطلاعاتو او عامه اړيکو ريس ښاغلى عبدالوحيد خاورې، د وزارت سلاکار ښاغلى جنرال عظيم خان او د هرات د سرحدونو او قبايلو چارو ريس ښاغلى انورالحق ژمن هم ورسره ملګري و، د دغه ولايت د مرکز او بېلابېلو ولسواليو له قومي مشرانو، مخورو او ځوانانو سره وکتل.
په دې کتنه قومي مشرانو، ځوانانو او مخورو محترم وزير صاحب ته د ښه راغلاست ويلو تر څنګ په هېواد کې د ښاغلى انوارالمق سولې د ټینګښت په خاطر د جرګو او مرکو له لارې د سرحدونو او قبایلو چارو وزارت کړنې او فعالیتونه ارزښتناکه وبلل او له موجوده نظام څخه يې د ملاتړ په ترڅ کې له وزارت سره د هر راز همکاریو ډاډ ورکړ.
ورپسې د سرحدونو او قبایلو چارو وزیر ښاغلی محمد شفیق ګل آغا شېرزي پخپلو خبرو کې د قومي مشرانو، ځوانانو او مخورو له ملي احساس څخه د مننې په ترڅ کې وويل: زه به په ټينګې ارادې سره له تاسو قومي مشرانو او مخورو سره یو ځای د هېواد د ابادې او سوکالۍ لپاره کار وکړم او په دې برخه کې به خپلې هلې ځلې ونه سپموم.