پکتيا کې د مسؤلينو په هڅو درې دښمني کورنۍ له سوله ييز ژوند څخه برخمنې شوې
چهار شنبه ۱۲ ربيع الأول ۱۴۴۸
د سرحدونو، قومونو او قبايلو چارو وزارت يوه پلاوي پکتيا ولايت ته د خپل سفر په ترڅ کې د دغه ولايت مرکز اړوند باغکي په سيمه کې د څو کورنيو ترمنځ د ځينو خپلمنځي مسائلو پر سر راپورته شوې يو کلنه دښمني، چې په پايله کې يې يو کس وژل شوی او ګڼې ستونزې يې راولاړې کړې وې حل او فصل کړه.
په دغه پلاوي کې چې د وزارت د دعوت او ارشاد رئيس الحاج مفتي شفيع الله ثاقب يې مشري کوله د وزارت د شخړو د حل کمېټې په ګډون د ولايتي اداري مسؤلينو، د پکتيا ولايت د سرحدونو، قومونو او قبايلو چارو رياست استازو، ديني عالمانو او قومي مشرانو په ملتیا یې له طرفینو سره څو ځله ناستې ولاړې وکړې.
یاد هیئت او سپین ږیرو د ناستو په ترڅ کې موضوع په هر اړخېز ډول وڅېړله او د طرفينو د رضايت په ترلاسه کولو سره يې د یوې غونډې په ترڅ کې یې د منصفانه او شرعي فيصلې په پایله یاده شخړه له منځه یوړه او يو بل سره خوشاله شول، چې په همدې سره يې ياده دښمني په دوستي بدله شوه
