د بلخ ولايت مسؤلينو په دغه ولايت کې درې کلنه حقوقي شخړه هواره کړه
يکشنبه ۲ ربيع الأول ۱۴۴۸
د بلخ لايت د سرحدونو، قومونو او قبایلو چارو رياست د رئيس په مشري دغه ولايت کې د قومي مشرانو، ديني عالمانو او متنفذينو په ملتيا د څو ناستو په ترڅ کې د دوو کورنيو ترمنځ يوه درې کلنه حقوقي شخړه هواره کړه او ښکېل لوري يې د سولې په ټغر سره کېنول.
د دې رامنځته شوې شخړې په پايله کې چې د ځينو حقوقي مسائلو پر سر راپورته شوې وه د ګڼو کورنيو ستونزو ترڅنګ دواړو لوريو ته لوی مالي تاوانونه رسېدلي وو او ترمنځ يې ژور اختلافات هم موجود وو، چې مسؤلينو په خپل منځګړيتوب د يوې سوله ييزې پرېکړې په اساس پای ته ورسول.
ښکېلو خواوو هم د اسلامي امارت د مشرانو په ترسره شوې عادلانه فيصله رضايت وښود او ژمنه يې وکړه، چې په راتلونکي کې به هېڅ ډول جنجالونه سره نه کوي بلکي د ورورولي ژوند ته به دوام ورکوي
