ننګرهار کې ۳۵ کلنه او پکتيا کې ۵ کلنه بدي د مسؤلينو په هڅو پای ته ورسېده
چهار شنبه ۲۳ شعبان المعظم ۱۴۴۷ د ننګرهار ولايت په کوز کنړ ولسوالي کې د دوو کورنيو ترمنځ د شاوخوا ۳۵ کلونو په دوام اوږدمهال شخړه.
د سرحدونو، قومونو او قبايلو چارو وزارت د يوه پلاوي په شتون کې د دغه ولايت د سرحدونو، قومونو او قبايلو چارو رياست رئيس حافظ رحمت الله غازي عمر په مشري د قومي مشرانو او علماء کرامو په هڅو داسې مهال پای ته ورسېده، چې ښکېل لوري په پوره رضايت سره روغې جوړې ته چمتو شوي وو.
د يادې رامنځته شوې شخړې له کبله له دواړو طرفونو څخه يو تن وژل شوي، يو تن ټپي شوی او ګن خپلمنځي اختلافات يې ترمنځ موجود وو، چې د اسلامي امارت مسؤلينو پکې د خير په فيصلې کولو سره روغه جوړه رامنځته کړه او ښکېل اړخونه يې سره پخلا کړل.
په ورته مهال دپکتيا ولايت دسرحدونو، قومونو اوقبايلو چارو رياست مسؤلينو دسيمه ييزو مشرانو په ملتيا د دغه ولايت په ډنډ پټان ولسوالي کې د دوو کورنيو ترمنځ دټېرو پنځو کلو په دوام هغه پېښه شوې شخړه حل کړه، چې يوکس پکې خپل ژوند له لاسه ورکړی و او ګڼې خپلمنځي ستونزې يې ترمنځ موجودې وې.
