د زابل په مېزانه ولسوالي کې د اسلامي اخوت او ولسي ستونزو د اورېدو غونډه
پنجشنبه ۴ رجب المرجب ۱۴۴۷
د زابل ولايت د سرحدونو، قومونو او قبايلو چارو رياست او ولایت مقام په ګډه همکاري د ولايتي ادارې په هماهنګي له قومي مشرانو، ديني عالمانو، او عامو خلکو سره يوه لويه ولسي غونډه داسي مهال ترسره شوه، چې د ولسوالي مسؤلينو او د دغه ولايت مرستیال والي الحاج سیدالرحمن حافظ هم حضور درلود.
غونډې ته قومي مشرانو په خپلو خبرو کې څرګنده کړه، چې د ا.ا.ا ترشا کلک ولاړ دي او ټینګ ملاتړ يې کوي. يادو قومي مشرانو د خپلو سيمه ييزو ستونزو په شريکولو سره د امیرالمؤمنین حفظه الله تعالی د فرامینو هرکلی وکړ او د هغي د عملي کولو تر څنګ يې له ا.ا.ا څخه د مننې تر څنګ ځينې غوښتنې هم وکړې، چې پکې د رغنيزو کارونو او کاري فرصتونو غوښتنې شاملې وې.
د يادې جوړې شوې غونډې پرمهال مسؤلينو د ولسي له ملاتړ څخه په مننې کولو سره وويل: ولسونو هر وخت د دې نظام د حاکميت لپاره د خپل ايمان او ميړانې له کبله ډيرې سترې قربانۍ ورکړې دي. دوی همداراز خلکو ته ډاډ ورکړ، چې د اسلامي امارت مشران شپه او ورځ ستاسو د خدمت او ملاتړ لپاره هلې ځلې کوې. يادو مسؤلينو د ولسواليو په کچه د خلکو ستونزو ته رسېدنه خپله دنده ياده کړه او ژمنه يې وکړه، چې د ممکنه لارو چارو په مټ به يې د حل کولو هڅې وکړي
