بادغيس او بلخ ولايتونو کې څو شخړې د روغې جوړې له لارې پای ته ورسیدې
شنبه ۱ صفرالمظفر ۱۴۴۷ د بادغيس ولايت سنګ اتش ولسوالۍ کې د دوو کورنيو ترمنځ د ترافيکي پېښې له امله راپورته شوې شخړه چې له امله يې يو کس خپل ژوند له لاسه ورکړی و، د سرحدونو، قومونو او قبايلو چارو رياست د مسؤلينو لخوا په سوله ييزه توګه حل شوه. د دواړو خواوو يو بل ته د ورورۍ غاړې ورکړې. په ورته وخت کې د بلخ ولايت مرکز مزارشريف ښار شپږمې ناحيې کې څلور کلنه اوږده شخړه چې د دواړو اړخونو ترمنځ يې ژور اختلاف رامنځته کړی و د دغه ولايت دسرحدونو، قومونو او قبايلو چارو رياست استازو په وسيله پای ته ورسيده. د شخړې دواړو اړخونو د سولې او يووالي لپاره يو بل وبښل. همداراز د مزارشريف ښار په نهمې ناحيه کې هم ورته درې کلنه بله شخړه د خبرو اترو له لارې حل شوه. ښکېلو خواوو يو بل ته د ورورۍ غاړې ورکړې او ژمنه يې وکړه چې له دې وروسته به د هېڅ جنجالونه سره نه کوي.
