په نورستان ولایت کې د ۵ پراختیایي پروژو چارې پرانستل شوې
سه شنبه/ ١٤٤٦/ ٥/ ذوالحجة د سرحدونو، قومونو او قبایلو چارو وزارت د سرحدي چارو معین، مولوي محمد اسماعیل غزنوي، د نورستان ولایت کامدیش او برګمټال ولسوالیو په هغو سیمو کې چې د ډیورنډ فرضي کرښې ته څېرمه پرتې دي.د ٧ پراختیایي پروژو له ډلې ٥ پروژې په داسې حال کې پرانستلي چې د یاد ولایت مرستیال والي فیصل مختار، سیمهییزو مسؤلینو او عامو خلکو هم ګډون درلود.د سرحدي چارو معین، مولوي محمد اسماعیل غزنوي، د یادو پرانست غونډو پر مهال وویل چې دا پروژې به د شاوخوا ۸۹ میلیونه افغانیو په لګښت، د شرقي نورستان کامدیش او برګمټال ولسوالیو کې د سلګونه جریبه زراعتي ځمکو د خړوبولو، د ۳۶ کیلومتره سړک ترمیم، جوړونې.او همدارنګه د دوو کلیو د اوسېدونکو د تګ راتګ لپاره د د ۲۰ متره پل د جوړولو په برخو کې پلی شي نوموړي زیاته چې د دغو پروژو تطبیق، نه یوازې د یادو ولسوالیو د اقتصادي ودې لپاره مهم دی، بلکې دا د اسلامي نظام له لوري خپل ولس ته د کلک هوډ او ریښتیني خدمت څرګند ثبوت هم دی.په پای کې، ځایي اوسېدونکو د یادو پروژو په پلي کېدو خوښي وښوده ویې ویل چې نورستان ولایت د تېر حکومت له پامه غورځول شوی و، خو اوس، لله الحمد، د حاکم نظام د زعیم له لوري ورته لازمه پاملرنه شوې.نوموړو همداراز د اسلامي امارت له مسؤلینو وغوښتل چې د لا زیاتې پاملرنې په موخه، د کامدیش څخه تر برګمټال پورې د عمومي سړک، روغتیايي مرکزونو، او تعلیمي مرکزونو د رغولو لپاره ګامونه پورته کړي.
