په پنجشېر ولایت کې له ولسونو سره غونډه
۱/۱۱/۱۴۴۵
د سرحدونو، قومونو او قبایلو چارو سرپرست وزیر الحاج ملا نورالله نوري په پنجشیر ولایت کې د ریاست الوزراء د سیاسي مرستیال مولوي عبدالکبیر په مشرۍ له ولسونو سره د یووالي په جوړه شوې غونډه کې ګډون وکړ. د یادې غونډې پر مهال د ریاست الوزراء د سیاسي مرستیال مولوي عبدالکبیر په شمول د امرباالمعروف نهي عن المنکر او شکایتونو اورېدلو سرپرست وزیر شیخ محمد خالد الحنفي، د صنعت او تجارت سرپرست وزیر الحاج نورالدین عزیزي، د پنجشېر والي الحاج محمد اغا حکیم، ګڼو نورو ولایتي مسؤلینو او ولسي استازو ګډون کړی وو. په پیل کې قومي سپین ږیرو، جهادي مشرانو او ولسي استازو د یاد ولایت د مختلفو سیمو د خلکو ستونزې یادې کړې، د پنجشېر ولسونه یې د نظام کلک ملاتړي وبلل او له راغلیو لوړ رتبه مسؤلینو سره یئ د هر ډول همکاري ژمنه وکړه. ورپسې د ریاست الوزراء سیاسي مرستیال مولوي عبدالکبیر وویل: کوم نظام چې په افغانستان کې حاکم دی دا نه یوازې طالبانو او علماوو غوښت، بلکې د افغانستان ولس هم د داسې یوه نظام هیله درلوده چې د دوی عزت ناموس، اسلامي مقدسات او ټول ارزښتونه پکې خوندي وي. وروسته د سرحدونو، قومونو او قبایلو چارو سرپرست وزیر ښاغلي نوري غونډې ته په خپله وینا کې د قومونو تر منځ په اتحاد ټينګار وکړ او د اشغال پر وړاندې د افغانانو د مبارزې ستاینه یې وکړه، ښاغلي نوري همدارنګه د ا.ا.ا ترسره کړي خدمتونه یاد کړل ویې ویل: نن الله ج افغانانو ته له ډېرو ناخوالو څخه نجات ورکړ، افغانستان اوس پر قومونوو حزبونو او سمتونو نه دی تقسیم بلکې ټول قومونه تر یوه چتر لاندې په خپل هیواد کې آزاد ژوند کوي. غونډې ته د اسلامي امارت لوړ پوړو مسؤلینو ونیاوې وکړې، د ولسونو ستونزې یې واورېدلې او خلکو ستونزو ته حل لارې پیدا کول یې خپل مکلفیت او فریضه وبلله.
