په هرات ولایت کې د همغږۍ غونډه تر سره شوه
١٧/٨/١٤٤٥ ھ ق
د سرحدونو، قومونو او قبایلو چارو وزارت په هرات ولایت کې له قومونو سره د همغږۍ غونډه ترسره کړه.
په یاده غونډه کې د جرګو او قبایلو چارو د همغږۍ معین الحاج ملا عبد الخالق عابد اخند، د جرګو او قبایلو چارو د همغږۍ رئیس شیخ حضرت ولي حقاني، مل پلاوي، قومي مشرانو، دیني علماوو، ځایي مسؤلینو او عامو ولسونو ګډون کړی وو.
قومي مشرانو د خپلو خبرو پر مهال د یاد وزارت هڅې وستایلې او د حاکم نظام څخه یې خوښي څرګنده کړه، قومي مشرانو له مسؤلینو څخه د ځیني ځایي ستونزو د حل غوښتنه وکړه.
د جرګو او قبایلو چارو دهمغږۍ رئیس شیخ حضرت ولي حقاني د خبرو پر مهال وویل چې اسلامي امارت په کمه موده کې ډېري لاسته راوړنې حاصلي کړي، او په داخلي عوائدو یې ډیر کارونه کړي، ښاغلي حقاني ولسونو ته ډاډ ورکړ چې مسؤلین به ستاسې هره ستونزه حل کوي.
په پای کې د جرګو او قبایلو چارو د همغږۍ معین ښاغلي عابد صاحب وویل چې زموږ بریا او کامیابي په یووالي کې ده، که مونږ یو موټی شو نو دا نظام به بقا مومي او پرمختګ به کوي، ښاغلي عابد د یاد ولایت خلکو ته د همکارۍ ډاډ ورکړ، او د ستونزو د حل ژمنه یې وکړه.
