په ننګرهار ولایت کې د دوو کورنیو تر منځ دوښمني حل شوه
۲۳/۶/۱۴۴۵
د ننګرهار ولایت په بټي کوټ ولسوالۍ کې د سرحدونو، قومونو او قبایلو چارو ریاست، قومي مشرانو او دیني عالمانو په مرسته د دوو کورنیو تر منځ د ځمکې په سر را منځته شوې شخړه حل او په دوستي بدله شوه.
د دغې غونډې په جریان کې د یادې ولسوالۍ د علماوو شورا رئیس مولوي زر معصوم حاضرینو ته وینا وکړه خلک یې اصلاح ته راوبلل او د قومونونو تر منځ د یووالي راوستلو په برخه کې یې د اسلامی امارت پالیسی وستایله.
دغونډې په پای کې د سرحدونو، قومونو او قبایلو چارو رئیس حافظ رحمت الله غازي عمر د عالیقدر امير المومنين حفظه الله لخوا د عمومي عفوې فواید بیان کړل او په خپله وینا کې یې وویل: تاسي هر یو زما استازي یاست هرې هغې کورنۍ او قوم ته ورشئ چې ستونزې او دښمنۍ لري . نوموړي راغلیو قومي مخوور ته ډاډ ورکړ چې د خلکو تر منځ د یووالي د استحدام په برخه کې هر راز همکارۍ ته چمتو دی.
