د سرحدونو، قومونو او قبایلو چارو وزارت سرپرست د څو ولایتونو له رئیسانو سره وکتل
۱۹/۲/۱۴۴۵
نن ورځ یکشنبه د سرحدونو، قومونو او قبایلو چارو وزارت سرپرست وزیر الحاج ملا نورالله نوري د خپل کاري سفر په جریان کې د بلخ ولایت د سرحدونو، ق.ق چارو په ریاست کې د سمنګان له آمر مولوي سید محمد، د بلخ له رئیس مولوي عبدالحبیب، د جوزجان ولایت له رئیس مولوي غلام نبي صمیم او فاریاب ولایت له رئیس مولوي محمد میر صارم سره د یوې ناستې ترڅ کې وکتل.
ناسته د قرآن کریم په څو مبارکو آیتونو سره پیل شوه ورپسې ښاغلي نورې د دې ناستې هدف له ولایتي رئیسانو سره هماهنګي د دوی د ستونزو اورېدل او د قومونو تر منځ یووالی یاد کړ. نوموړي له ولایتي رئیسانو وغوښتل چې د خپلو کارونو په جریان کې دي له غور او پاملرنې څخه کار واخلي او د خلکو د ستونزو د حل په برخه کې دي هر ډول همکاري وکړي.
