د سرحدونو قومونو او قبایلو چارو وزارت لوړ رتبه پلاوي د نورستان له والي سره وکتل.
د سرحدونو قومونو او قبایلو چارو سرپرست وزیر الحاج ملا نورالله نوري د نورستان ولایت د سرحدونو قومونو او قبایلو چارو په ریاست کې د یاد ولایت له والي مولوي محمد اغا حکیم سره په داسې حال کې ولیدل، چې پر مهال یې د همدې ریاست رئیس مولوي نادر شاه، د سرحدونو ق.ق چارو وزارت د جرګو رئیس مولوي محمد اسماعیل غزنوي، د تعلیم او تربیې رئیس مفتي شفیع الله ثاقب حضور درلود.
لومړی د دې ولایت والي ښاغلي محمد اغا حکیم د امنیت او د قومونو تر منځ د یووالي او د شته منازعاتو په اړه ډاډ ورکړ، ورپسې د سرحدونو ق.ق او قبایلو چارو وزارت سرپرست د هغوی هڅې وستایلې او د هر نوع همکاري ډاډ یې ورکړ.
