د اسلامي امارت مشرتابه ټولو محرومو او ليري پرتو سيمو ته لومړيتوب ورکوي.
۱۴۴۴/۵/۵
د سرحدونو، قومونو او قبایلو چارو وزارت د دفتر رئيس شيخ حضرت ولي حقاني، د وزارت د قومي چارو سلاکار امين الله پاميري او د اطلاعاتو او عامه اړيکو رئيس حمدالله فطرت د بدخشان ولايت د سرحدونو، قومونو او قبایلو چارو رياست کې له پاميري مشرانو سره چي په ياد رياست کې ورته ميلمستون تهيه شوی وکتل.
شيخ حضرت ولي حقاني پاميري ميلمنو ته ډاډ ورکړ چي ددوئ ټولې ستونزې به د اسلامي امارت په ځانګړې توجه هواريږي، په وينا يې چې د اسلامي امارت مشرتابه محرومو او ليرې پرتو سېمو ته لومړيتوب ورکوي او واخان ولسوالي د هغه نوملړ په سر کې قرار لري چي بايد تر هرچا لومړی ورته پاملرنه وشي، ښاغلي حقاني دغه راز د اسلامي امارت د مشرتابه په امر د هغو ژمنيو خوراکي او غير خوراکي مرستو د انتقال يادونه وکړه چي د سرحدونو، قومونو او قبایلو چارو وزارت تر سرپرستي لاندي د ټاکل شوي هيئت چي پېښو ته د رسېدو په چارو کې د دولت وزارت، د عامې روغتيا او مهاجرينو وزارتونو له خوا دغه توکي تهیه شوی انتقال او په راتلونکو ورځو کې به توزيع شي.
د پاميري مشرانو په نمايندګي ښاغلي حاجي محمد د اسلامي امارت له مشرتابه څخه مننه وکړه چي دوئ ته يې عاجلې مرستې ليږلي او د ستونزو په هواري کې ورسره ګړندۍ هڅې کړې.
