د قومي چارو سلاکار معرفي شو.
۱۴۴۴/۴/۲۰ هـ ق سه شنبه
د سرحدونو، قومونو او قبايلو چارو وزارت د پيشنهاد پر بنسټ د رئيس الوزراء د حکم له مخې ښاغلی امين الله پاميري د قومي چارو د سلاکار په حيث وټاکل شو او نن د يو لړ مراسمو په ترڅ کې د وزارت مسئولينو او همکارانو ته ورمعرفي شو. په دې مراسمو کې د وزارت د دفتر رئيس شيخ حضرت ولي حقاني وويل: دا چې د سرحدونو، قومونو او قبایلو چارو وزارت د خپل کاري استقامت او پلان سره سم له قومونو سره په فرهنګي، اجتماعي، قومي او د شخړو د حل په برخو کې کار کوي او ورسره قوي اړيکې لري، پر همدې اساس د چارو د لا ښه همغږي کيدلو او تنسيق لپاره د وزارت په تشکيلاتو کې د قومي چارو مشاوريت رامنځته کيدل يو اغيزمن ګام دی، نوموړي د ښاغلي امين الله پاميري ګمارنه پر ځای اقدام وباله او په چارو کې يې ورته د موفقيت ارزو وکړه.
