د رحمان بابا له عالي لېسې څخه ليدنه
د سه شنبه ورځ د ۱۴۴۴ هـق صفر المظفر ٢ مه نېټه
د سرحدونو، قومونو او قبايلو چارو وزارت د دعوت وارشاد رئيس مفتي شفيع الله ثاقب پداسې حال کې چې د ښوونې او روزنې رئيس هم ورسره مل وه د وزارت اړوند رحمان بابا عالي لېسې تدريسې بهېر له نږدې وکوت.
ښاغلي شفيع الله د دغې لېسې له ښوونکو او زده کوونکو سره د دينې علومو پر ارزښت، گټو او په تعليمي مرکزونو کې يې د تطبيق په اړه خبرې کولې وويل تاسو ځوانان د هېواد کادرونه یاست باید خپل درسونه په غور سره ولولئ تر څو په راتلونکي کې د خپل هېواد او خلکو لپاره د خدمت جوګه شي همدا راز یې د ياده ليسې ښوونکو ته لار ښوونه وکړه چې د اسلامي اصولو په پام کې نيولو سره دې د زده کوونکو په ښوونه او روزنه کې لا زيار وګالې.
نوموړي دغه راز زياته کړه چې د افغانستان اسلامي امارت مسولين هڅه کوي د ښوونې او روزنې لپاره ښه شرايط برابر کړي تر څو د هېواد ځوانان په پوهه ښکلي شي.
