د کندهار د شاه ولي کوټ او خاکرېز ولسوالیو له مشرانو سره د سرحدونو، قومونو او قبایلو چارو ریاست د مرستیال لېدنه
د کندهار د سرحدونو، قومونو او قبایلو چارو ریاست مرستیال مولوي ندا محمد د دغه ولایت د شاهولي کوټ او خاکرېز ولسوالیو له قومي مشرانو او علماوو سره وکتل. په همدې اړوند جوړې شوې غونډې ته د دغو ولسوالیو مشرانو او علماوو خپلې ستونزې او غوښتنې مطرح کړې. دغو مشرانو په يادو ولسوالیو کې د ښوونځیو، کلنیکونو، او د ویجاړ شویو لارو د جوړولو غوښتنې ترڅنګ، د مرستو د عادلانه وېش او د قومي مشرانو په ټاکنه کې یې د ياد رياست د همکارۍ غوښتنه وکړه. د کندهار ولایت د سرحدنو، قومنو او قبایلو چارو ریاست مرستیال مولوي ندا محمد راغلو مشرانو ته د همکاریو ډاډ ورکړ شوو او وېویل چې د دوې د ستونزو د حل لپاره به پوره هلې ځلې وکړي او د هغوی ستونزې به مسئولو مشرانو ته ورسوي.
