په هېواد کې د زیات شمېر سیاسي او جهادي مشرانو ملاتړ له خپل نظام
په هېواد کې د زیات شمېر سیاسي او جهادي مشرانو ملاتړ له خپل نظام، ملي بنسټونو، ګډو ارزښتونو، امنیتي او دفاعي ځواکونو څخه د ستایلو ده او دا د ستر ویاړ ځای دی، چې سیاسي او جهادي مشران د جمهوریت تر چتر لاندې له خپلو لوړو ملي ګټو څخه دفاع او ملاتړ کوي.
په دې برخه کې د جلالتماب جمهور رییس هڅې د قدر وړ دي، چې په دې اړوند یې تل د ولسي بسیج او سیاسي اجماع لپاره هڅې کړې دي.
په ګران هېواد کې د جګړې پای او د تلپاتې سولې ټینګښت د افغانستان د اسلامي جمهوریت له لومړیتوبونو څخه دي او په دې اړوند یې ډېرې قربانۍ ورکړي تر څو په هېواد کې سوله ټینګه او افغان ولس هوسا ژوند وکړي.
د جمهوریت صف د هېواد جوړونې، د افغان انسان د انساني ژوند په شرایطو کې د مثبت بدلون راوستلو، تلپاتې سولې او یو بل منلو صف دی، چې تل یې په دې تړاو هڅې کړي.
د سرحدونو او قبایلو چارو وزارت یو ځل بیا د هېواد پر وسلوالو مخالفینو غږ کوي، چې نور له ورانولو، بدبختیو او افغان انسان وژنې څخه لاس واخلئ او د جمهوریت د دې ویاړمن صف تر پراخ چتر لاندې هوسا او انساني ژوند ته مخه کړئ او یو بل ومني.
محب الله صمیم
د سرحدونو او قبایلو چارو وزیر
