په ولسي جرګه کې د پروان ولایت د خلکو له استازي سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې په خپل کاري دفتر کې په ولسي جرګه کې د پروان ولایت د خلکو له استازي ښاغلي الحاج عبدالظاهر سالنګي سره وکتل.
په دې کتنه کې په بېلابېلو ولایتونو کې د نظام او ملي ځواکونو په ملاتړ د ولسي جرګو په جوړولو، د خلکو د ستونزو په اورېدو او د خلکو په بسیج کولو کې د وزارت د مشرتابه هلې ځلې وستایل شوې .
همداراز دواړو خواوو د ملي یووالي په ټینګښت، د سولې په روانو خبرو کې د شته فرصتونو، له نظام اوملي بنسټونو او ملي ارزښتونو څخه د ولسونو د ملاتړ او د حکومت او خلکو تر منځ د واټن په لنډېدو او یو لړ نورو مهمو موضوعاتو په اړه بحث او خبرې وکړې.
