د سرحدونو او قبایلو چارو وزارت او له پوهنې څخه د ملاتړ ایتلاف ترمنځ د ګدو همکاریو هوکړه لیک لاسلیک شو!
دغه هوکړه لیک نن د وزارت د ښوونې او روزنې د رییس محمد نبي شهاب او د یاد ایتلاف د مشر ترمنځ د وزارت د مسلکی معین ښاغلي محمد اصف ننګ په حضور کې لاسلیک شو!
د یاد هوکړه لیک له مخې به د سرحدونو او قبایلو چارو وزارت اړوندو تعلیمي مرکزونو کې د زده کوونکو او محصلانو لپاره د ظرفیت لوړونې په بېلابېلو برخو کې د عامه پوهاوي او دغه راز د ښوونکو لپاره د ظرفیتونو د پراختیا لنډ مهاله کورسونه او سیمینارونه جوړ شي.
د هوکړه لیک د لاسلیک پرمهال مسلکي معین ښاغلي ننګ له پوهنې څخه د ملاتړ ایتلاف څخه مننه وکړه، چې له وزارت سره یې دغه شان هوکړه لیک لاسلیک کړ او دا کار يې د وزارت اړوندو تعلیمي نهادونو زده کوونکو او ښوونکو لپاره مهم وباله.
