د وزارت په انګړ کې د لسګونو نیالګیو اېښودل!
د سرحدونو او قبایلو چارو وزارت په انګړ کې د ۱۳۹۹ لمریز کال د کب میاشتې پر ۱۳ مه نېټه لسګونه نیالګي کېښودل شول.
د سرحدونو او قبایلو چارو وزیر ښاغلي محب الله صمیم په داسې حال کې چې د وزارت مشرتابه او کارکوونکو شتون درلود د نیالګېو اېښودلو پر مهال وویل: د ونو او بوټو اېښودل او کرل د ډېرو نورو ګټو ترڅنګ د هېواد په ښېرازۍ او له ککړتیا څخه د هوا په پاکوالي کې مهم رول لري.
له هېوادوالو یې وغوښتل ،چې دې برخې ته ډېره پاملرنه وکړي د هېواد په ښکلا او ښېرازۍ کې ونډه واخلي دغه راز یې د وزارت د سرحدي څېړنو له معین ښاغلي محمد آصف قاضي زاده څخه له دې امله، چې پخپل شخصي لګښت یې لسګونه نیالګي پیریدلي و، مننه وکړه.
