په ولسي جرګه کې د خلکو له استازو او د ټاکنو خپلواک کمېسيون د دارالانشا له رئيس سره ناسته!
د سرحدونو او قبایلو چارو وزیر ښاغلي محب الله صمیم نن مازدیګر په ولسي جرګه کې د لغمان او هلمند ولایتونو د خلکو له استازو ښاغلي الحاج محمد رفيع مموزي، ښاغلي الحاج عبدالرشید عزیزي او د ټاکنو خپلواک کمېسیون د دارالانشا له رئیس ښاغلي ډاکټر حبيب الرحمن ننګ سره د خپل کار په دفتر کې وکتل.
په دې کتنه کې دواړو لورو په هېواد کې د روان وضعیت، د سولې او ملي یووالي د ټینګښت په برخو کې د قومي مشرانو پر ارزښت، د موجوده نظام څخه د ملاتړ، په هېواد کې د امن او ثبات د ټینګښت په موخه د ولسونو هڅولو او په ملي مسایلو کې د خلکو له استازو او قومي مشرانو سره په سلامشورو بحث او خبرې وکړې او په ګډو هلو ځلو یې ټینګار وکړ.
