د میدان وردګو ولایت له یو شمېر قومي مشرانو او مخورو سره ناسته!
د سرحدونو او قبایلو چارو وزیر ښاغلي محب الله صمیم نن له غرمې مخکې د میدان وردګو ولایت له یو شمېر قومي مشرانو او مخورو سره د خپل کار په دفتر کې وکتل.
په دې کتنه کې راغلو مشرانو د یاد ولایت د امنیت ټینګښټ، پوهنې، د دوی په سیمو کې د پراختیایي پروژو د تطبیق او ورته نورو برخو کې خپلې یو لړ ستونزې او غوښتنې د وزارت له مشرتابه سره د حل په موخه شریکې کړې.
ورپسې ښاغلي محب الله صمیم په خپلو خبرو کې د راغلو مشرانو ستونزې پر ځای وبللې او د ګران هېواد د دفاع او د نظام د پایښت په برخه کې د یاد ولایت د ولسونو مېړانه وستایله، ژمنه یې وکړه چې ستونزې او غوښتنې به یې له اړوندو ادارو سره د حل په موخه شریکې کړي.
