د وزارت اداري مجلس جوړ شو!
اداري مجلس د سرحدونو او قبایلو چارو وزارت د جرګو او قبایلو چارو د همغږۍ معین ښاغلي الحاج محمد یعقوب احمدزي په مشرۍ او د معینانو، سلاکارانو او رییسانو په ګډون نن د ۱۳۹۹لمریز کال د تلې پر۲۷ نېټه جوړ شو.
په پیل کې ښاغلي احمدزي د اړوندو ریاستونو له رئیسانو څخه له دې امله چې خپل مسولیتونه په ښه توګه تر سره کوي مننه وکړه او د اداري چارو په لا ګړندیتوب یې ټینګار وکړ.
ورپسې د سرحدي څارنې رئیس له ایران هېواد سره د سرحدونو د څارنې عالي کمېسیون د شپږمې ناستې ، د پلان او پالیسۍ رئیس د پراختیایي پروژو د روان حالت د کار د څرنګوالي او ستونزو، همدا راز د بشري زیرمو رئیس د ښوونې او روزنې ریاست د کارکوونکو د ظرفیت ارزونې، کاري تجربو، زده کړو او د ظرفیت لوړونې لپاره د اړینو پروګرامونو په پام کې نېولو سره هراړخیز معلومات وړاندې کړل.
همدا راز په یو شمېر نورو مهمو مسایلو هم تر بحث وروسته پرېکړې وشوې اړوندو ریاستونو ته یې په اړه د اجرااتو لارښوونه وشوه.
