په ملي یووالي ټینګار!
د سرحدونو او قبایلو چارو سرپرست او نوماند وزیر ښاغلي محب الله صمیم نن چهار شنبې د روان لمریز کال د تلې میاشتې پر ۱۶ مه نېټه د بېلابېلو ولایتونو له قومي مشرانو سره د خپل کار په دفتر کې وکتل.
ښاغلي محب الله صمیم په دې کتنه کې د شخړو په حل او د قومونو په یووالي او نږدې والي کې د قومي مشرانو رول ارزښتناک وباله وې ویل: چې په دې برخه کې به انشالله یو د بل په مرسته ګډ کارکوو او خپلې سلا مشورې او نظرونه به سره شریکوو.
قومي مشرانو هم د ملي یووالي او سولې د ټینګښت په برخه کې د هڅو ژمنه وکړه د سولې له روان بهیر څخه یې ملاتړ څرګند کړ.
