د سولې په چارو کې د دولت وزارت له مرستيال سره کتنه!
د سرحدونو او قبایلو چارو وزیر ښاغلي محمد شفیق ګل آغا شېرزي د روان لمریز کال د سلواغې میاشتې پر 13 مه نېټه د سولې په چارو کې د دولت وزارت د قومونو د يووالي له مرستيال ښاغلي عبدالخالق بالاکرزي سره وکتل.
په دې کتنه کې ښاغلي بالا کرزي په هېواد کې د سولې او ملي يووالي په ټینګښت کې د سرحدونو او قبايلو چارو د وزير محترم شېرزي نه ستړې کېدونکې هلې ځلې وستايلې وې ويل: وزارت کولې شي د سولې په راوستو کې رغنده رول ولوبوي.
ورپسې ښاغلي شېرزي د خپلو خبرو په ترڅ کې سوله د افغانانو اساسي اړ تيا وبلله زياته يې کړه، چې هڅه به وکړې چې په هېواد کې دايمي او باعزته سوله ټينګه او د جګړې ټغر ټول شي.
دواړو لورو دغه راز په يو شمېر نورو مهمو او ملي موضوعګانو هم بحث او خبرې وکړې.
