د وزارت اړوندو لېسو ته بايد زياته پاملرنه وشي!
دغه خبره نن د سرحدونو او قبايلو چارو وزارت مسلکي معين ښاغلې ډاکټر فریدون بارکزي په داسې حال کې، چې ښوونې او روزنې رياست وارسي کوونکى ښاغلى جمال الدین زاهد او د لېسو امرين هم حاضر و، د يوې کاري ناستې په ترڅ کې څرګنده کړه.
په دې کتنه کې لومړى ښاغلې زاهد د لېسو په اداري او تدريسي حالت رڼا واچوله او پر ستونزو يې خبرې وکړي.
ورپسې ښاغلې مسلکي مرستيال د وزارت له خوا په لېسو کې مثبتو بدلونونو راوستو ته په اشارې سره وويل: زموږ لېسې بايد له هر پلوه نمونه وي، نوموړي اړوندو ريسانو ته لارښوونه وکړه، چې اړوندو لېسو ستونزو ته رسیده ګي وشي او پر وخت غوره خدمات وړاندې شي.
