پکتيکا کې د اسلامي نظام په ملاتړ د ولسي یووالي غونډه

haqani_admin
دوشنبه ۱۴۰۵/۸/۲۵ - ۱۴:۴۱
پکتيکا کې د اسلامي نظام په ملاتړ د ولسي یووالي غونډه

دوشنبه ۵ جمادی‌الآخرة ۱۴۴۸

د سرحدونو، قومونو او قبایلو چارو وزارت د سرحدي پلټنو معین مولوي عنایت‌الله شجاع د ولايتي غونډو په لړ کې نن د پکتيکا ولایت په مرکز شرنه کې د اسلامي نظام تر چتر لاندې د شریعت د تنفيذ او ولسي همغږۍ غونډه جوړه کړه.

ياده غونډه، چې له ديني عالمانو، قومي مشرانو او عامو ولسونو سره برابره شوې وه پرمهال يې ښاغلي شجاع ګډونوالو ته وويل: د نړۍ کفري قدرتونو د خپلو ګټو د خوندي کولو او له افغانانو څخه د ويرې له امله پر افغانستان یرغل وکړ، خو داسې ماتې ورکړل شوه، چې تر ابده به یې تاريخ يادوي. نوموړي د پکتيکا ولايت د ولسونو تېرې قربانۍ وستايلې او هیله يې څرګنده کړه، چې یوه ورځ به افغانان بهرنیو هېوادونو ته د کار لپاره نه ځي، بلکې د نړۍ خلک به افغانستان ته د کار او مزدورۍ لپاره راځي؛ خو د دې لپاره یووالي، زده‌کړو او ګډ کار ته اړتیا ده.

ورپسې د جرګو او قبایلي چارو د همغږۍ رئیس مولوي محمد آجان رهبر وویل، د اسلامي امارت مسؤلین د ولسونو خدمتګاران دي او په ټولو برخو کې د خلکو ستونزو ته پاملرنه کوي، نوموړي هیله څرګنده کړه چې د وخت په تېرېدو سره به پاتې ستونزې هم حل شي. هغه له هغو ځوانانو وغوښتل چې د نورو په لمسون له هېواده بهر تللي تر څو بېرته خپل وطن ته راستانه شي او له خپلو کورنیو سره ګډ ژوند وکړي، نوموړي زیاته کړه چې اسلامي امارت چمتو دی، څو هغوی ته د ژوند او کار زمینه برابره کړي.

د دغه ولسي غونډې پرمهال قومي مشرانو د اسلامي نظام د ملاتړ ترڅنګ زياته کړه، د نظام دفاع او ساتنه خپل مسؤلیت ګڼو او د اړتیا پر مهال هر ډول همکارۍ ته چمتو يو. دوی د افغانستان د بیارغونې او پرمختګ لپاره د اسلامي امارت هڅې وستایلې او غوښتنه یې وکړه، چې پکتيکا سرحدي سيمو ته دې خاصه پاملرنه وشي او په يادو سيمو کې دې د کرنې، روغتیا، زده‌کړو او سړکونو جوړولو برخو ته لا ډېره پاملرنه وشي، تر څو د خلکو اړتياوې پوره او د نورو له احتیاجه خلاص شي

تازه ترین اخبار

چهارشنبه ۱۴۰۵/۸/۲۰ - ۱۳:۴۹
Background image

((وقت آن می آید، که یک روز افغان‌های مظلوم جهان را نجات می دهند))

چهارشنبه ۳۰ جمادی‌الأولی ۱۴۴۸

این سخنان را مولوی عنایت شجاع معین بررسی سرحدی وزارت امور سرحدات، اقوام و قبایل  درنشستی که از سوی این وزارت  تحت عنوان نفاذ شریعت زیر جتر نظام اسلامی و. . .

یکشنبه ۱۴۰۵/۸/۱۰ - ۱۴:۳۴
Background image

نشست  تطبیق شریعت و هماهنگی با مردم  در چوکات  نظام اسلامی در ولایت تخار 

یکشنبه، ۲۰ جمادی الأولی  ۱۴۴۸

وزارت امور سرحدات، اقوام  و قبایل به ادامه برګزاری نشست های  خویش به هدف تطبیق احکام شرعی وهماهنگی با مردم  در  ولایات، نشستی را با نمایندگان اقشار مختلف. . .

چهارشنبه ۱۴۰۵/۷/۲۲ - ۱۳:۵۲
Background image

تدویر نشست نفاذ شریعت اسلامی و هماهنگی میان مردم در ولسوالی استالف کابل

 

چهار شنبه ۲ جمادی الأولی ۱۴۴۸

وزارت امور سرحدات، اقوام وقبایل به  رهبری مولوی محمد آجان رهبر رئیس جرگه ها و هماهنگی  امور قبایل این وزارت، نشست بزرگ مردمی  را تحت عنوان تنفیذ شریعت. . .

BACK TO NEWS

User account menu