له ولسونو سره د اسلامي امارت د مسؤلينو د غونډو دوام
دوشنبه ۲۹ ربیع الاول۱۴۴۷
د سرحدونو، قومونو او قبايلو چارو وزارت د خپلو محلي رياستونو په همغږۍ د هيواد په ۳۴ ولايتونو کې د ولسوالي له اوسيدونکو سره د ترسره کېدونکو ناستو په دوام تېره اونۍ د تخار ولايت په هزار سموچ، د هرات په کشک رباط، کندهار په ارغستان، د سمنګان په خُلم، د ننګرهار په اچين او هسکه مينه، د لغمان په دولت شاه او باد پښ او د پکتيکا ولايت په ۷ ولسواليو مټاخان، يحيی خېل، وازېخوا، یوسف خېل، خير کوټ، تر وو او وړ ممۍ والسوالۍ کې له عامو خلکو سره ناستې ترسره کړې.
د دغو ناستو په ترڅ کې د اسلامي امارت مسؤلينو د ولسواليو له استازو، قومي مشرانو، علماوو او عامو خلکو سره د اميرالمؤمنين حفظه الله هغه فرمانونه شريک کړل، چې د ټولنې د ناسمو دودونو او رواجونو د مخنيوي سپارښتنې پکې شوې دي. دوی د نظام په ملاتړ او ټنګښت کې د ولسي خلکو د يووالي، اخوت او همغږۍ ستاينه وکړه.
قومي مشرانو په خپلو خبرو کې د اسلامي امارت لخوا ولسي خلکو سره د دا ډول راټولېدنو هرکلی وکړ همداراز يې دا چاره د ټولنې د ثبات او ستونزو او رېدو لپاره يوه غوره فرصت هم وباله، چې په همدې سره يې خپلې سيمه ييزې ستونزې هم له مسؤلينو سره شريکې کړې.
