په فارياب ولايت کې د اسلامي نظام د ثبات، ولسونو د یووالي او انسجام غونډه ترسره شوه!
پنج شنبه ۲۳/۳/۱۴۴
نن له غرمې وړاندې د فارياب ولايت په مرکز کې د سرحدونو، قومونو او قبايلو چارو وزارت په مشرۍ د اسلامي نظام د ثبات، ولسونو د يووالي او انسجام لويه ولسي غونډه په داسي حال کې ترسره شوه،چې پکې د ياد وزارت مسؤلينو، د ولايت او بيلا بيلو ولسواليو استازو، قومي مشرانو او ګڼو ولسي خلکو ونډه لرله.
په پيل کې د فارياب ولايت د سرحدونو، قومونو او قبايو چارو رئيس مولوي محمد مير صارم وويل د داسي غونډوجوړول د ولسونو د ستونزو د اوريدو او رسيدنې ښه ادرس دی خلک کولي شي په ډاډه زړه خپلې ستونزې د ا.ا له مشرانو او مسؤلينو سره شريکې کړې. ورپسي قومي مشرانو د ا.ا.ا په کلک ملاتړ سره دا نظام يو لوی نعمت ياد کړ او وياړ يې څرګند کړ، چې الله داسې يو سپيڅلی نظام را کړى چې د هر شخص حقوق پکې خوندي دي مونږ ته الله ج داسې مشران او د حکومت چلوونکې را کړل چی هيچاته اجازه نه ورکوي ترڅو بې اتفاقۍ ته لار جوړه کړي.
د وزارت د جرګو او قبايلو چارو معين الحاج مولوي محمد علي جان احمد د فارياب ولسي غونډه کې وويل: د اسلامي نظام حاکميت زمونږ د ځوانانو او ولسونو د قربانيو ثمره ده. کلونه په وطن ناخوالې وي، ميلونونه شهيدان مو ورکړل، چې اوس له استعمار خلاص او په خپلواکه توګه د هيواد د آبادۍ لپاره کار کوو. ښاغلي احمد ولسونو ته زياته کړه د پرديو په تبليغاتو ونه غوليږئ ويښ ووسئ او د خپلو مشرانولا ښه اطاعت وکړئ .
د جرګو اوهمغږۍ رئيس شيخ حضرت ولي حقاني په خپله وينا کې د ولسونو ملاتړ اومجاهدينو قربانۍ وستايلې هغه وويل: زمونږ قربانۍ د دې لپاره وي، چې اسلامي نظام قايم شې، هيواد او هيوادوال مو د پرديو له دسيسو او لاسوهنو خلاص شي، د اسلامي نظام ټول مسؤلين خپل ځانونه ستاسو خادمان بولې او هرې ستونزي ته مو رسېدنه خپله ديني او وجدانې وظيفه ګڼې اوپه پوره اخلاص ورته د حل لارې پيدا کوي.
د اسلامي نظام د ثبات، ولسونو د یووالي او انسجام دا غونډه په دعايه سره پاي ته ورسيده.
