د لوګر ولایت په محمد اغې ولسوالي کې د جینیوا کال مؤسسې درې ورځنی پروګرام پای ته ورسېد.
۱۴۴۴/۲/۲۵
په یاد پروګرام کې د جینیوا کال موسیسې کارکوونکو ، د لوګر د سرحدونو ، قومونو او قبایلو چارو ریاست د کوچیانو چارو د انسجام مدیر او همداراز د یادې سیمې ۱۴ تنو ښځینه کوچیانو او د سیمې ځایي اوسېدونکو ګډون کړی وو.
یاد پروګرام درې ورځې دوام وکړ چې په اوږدو کې د یادې مؤسسې ښځینه ډاکټرې له خوا ګډونوالو ته د روغتیا په اړه عامه پوهاوی ورکړل شو، ددې پروګرام په پای کې هرې ګډونوالې ته دوه دوه صحي کېټونه، یوه یوه کمپله او شپږ شپږ زره افغانۍ هم ورکړل شوې.
د پروګرام په پای کې د یادې سیمې کوچیانو او ځایي اوسېدونکو یاد سیمینار ګټور وباله او په راتلونکي کې یې د دا ډول پروګرامونه د دایرولو غوښتنه وکړه.
