د سرحدونو قومونو او قبایلو چارو وزارت لخوا لیږل شوی پلاوي د ۱۴۰۰ لمریز کال د سلواغې ۱۲ نیټه د چهارشنبې په ورځ د زابل ولایت له والي او د کوچیانو له قومي مشرانو سره په بيلابيلو ناستو کي لیدنه وکړه
په دې کتنه کې د زابل ولایت والي ملا بسم الله عبدالله یاد پلاوي ته د ښه راغلاست تر څنګ د ددغې ولایت د قومونو او سرحدونو په اړه بشپړ معلومات ورکړل او د پولو د ښې ساتنې او امنيت ډاډ يې ورکړ.
د سرحدونو او قبایلو چارو وزارت پلاوي د زابل له والي څخه د ډیورنډ فرضي کرښې سره نژدې پراته قومونو اوکوچيانو د روغتيا، تعليم او بشري مرستو لپاره د ځانګړې توجه کولو او همکاري غوښتنه وکړه.
دغه راز یاد پلاوي د زابل ولایت د سرحدونو او قبایلو چارو سر پرست ریس ته د سرحد میشتو قومونو سره د هغوئ د ستونزو د اوريدلو او په سرحدونو کي ددوئ مثبت رول ادا کولو اړوند د غونډې جوړولو سپارښتنه وشوه.
ددې ترڅنګ ياد پلاوي د کوچیانو له يو شمير قومي مشرانو سره وکتل او مشرانو ته یې ډاډ ورکړ چې په زابل ولایت کې به ټولو ليري پرتو قومونو او په ځانګړي توګه د کوچيانو لپاره د سيار روغتیایي کلینیک، ښوونځۍ ، او داسې نورې اسانتیاوو برابرولو هڅه کوي.
د کوچیانو د قومونو مشرانو ددوئ اړوند ستونزې بيان کړي او د اسلامي امارت له مشرانو څخه يې مننه وکړه چي دوئ ته ځانګړې توجه کوي.
